Alisher Navoiy va XXI asr

Детали конференции

Xalqaro ilmiy konferensiya

2026-yil 9-fevral kuni Alisher Navoiy nomidagi Toshkent davlat o‘zbek tili va adabiyoti universitetida “Alisher Navoiy va XXI asr” mavzusida xalqaro ilmiy konferensiya o‘tkaziladi.
Konferensiyaning asosiy maqsadi Alisher Navoiy ijodini XXI asr ilmiy tafakkuri nuqtai nazaridan o‘rganish hamda mustaqillik davrida navoiyshunoslik rivojining asosiy yo‘nalishlarini muhokama qilishdan iborat. Tadbir doirasida Navoiy hayoti va ijodini tadqiq etish, “Xamsa”ning matni va talqini, shoir nasrining badiiy xususiyatlari, Navoiy va tilshunoslik, shuningdek, Navoiy merosining jahon tamaddunidagi o‘rni masalalari ko‘rib chiqiladi.
Konferensiyada Alisher Navoiy asarlarini xorijiy tillarga tarjima qilish muammolari, uning ijodini ta’lim tizimida o‘qitishning metodik jihatlari hamda navoiyshunoslikning zamonaviy ilmiy yo‘nalishlari yuzasidan ma’ruzalar tinglanadi. Tadbirda respublika oliy ta’lim muassasalari va ilmiy markazlari olimlari bilan bir qatorda Turkiya, Qozog‘iston, Xitoy, Rossiya, Tojikiston va Eron kabi davlatlardan tadqiqotchilar ishtirok etishi kutilmoqda.

Program Schedule